PIWULANG 2 SERAT WULANGREH PUPUH DHANDHANGGULA

PIWULANG 2

SERAT WULANGREH PUPUH DHANDHANGGULA

Paugerane tembang macapat ana 3 yaiku:

1) Guru gatra yaiku cacahing gatra/larikan saben sapada ing tembang macapat.

2) Guru lagu yaiku tibaning swara ing pungkasaning gatra (nyuwara vokal ).

3) Guru wilangan yaiku cacahing wanda/suku  kata saben sagatra ing tembang macapat.

Struktur Serat Wulangreh dumadi saking 13jinis tembang (pupuh) yaiku:

Serat Wulangreh iku anggitane Sri Susuhunan Pakubuwana IV taun 1741 Masehi.  Tembung wulang tegese ajar, pitutur. Dene tembung reh ateges tingkah laku utawa pratingkah. Tegese serat wulangreh yaiku piwulang bab tingkah laku utawa pratingkahing manungsa dimen uripe ayem tentrem. Serat wulangreh dumadi saka 13 pupuh tembang. Pupuh iku kumpulaning pada tembang kang padha. 13 pupuh kasebut kayata:

1. Dhandhanggula, dumadi saka 8 pada/bait
2. Kinanthi dumadi saka 16 pada/bait
3. Gambuh dumadi saka 17 pada/bait
4. Pangkur dumadi saka 17 pada/bait
5. Maskumambang dumadi saka 34 pada/bait
6. Megatruh dumadi saka17 pada/bait
7. Durma dumadi saka12 pada/bait
8. Wirangrong dumadi saka 27 pada/bait
9. Pocung dumadi saka 23 pada/bait
10. Mijil dumadi saka 26 pada/bait
11. Asmaradana dumadi saka 28 pada/bait
12. Sinom dumadi 33 pada/bait
13. Girisa dumadi saka 25 pada/bait

SERAT WULANGREH DHANDHANGGULA

Anggitan : Ingkang Sinuwun kanjeng Susuhunan Paku Buwana IV Senapati Ing Ngalaga Ngabdurrahman Sayidin Panatagama ing Surakarta Hadiningrat.

Paugerane tembang Dhandhanggula:

Tembang macapat ana 11 jinise yaiku maskumambang, pocung, gambuh, megatruh, mijil, kinanthi, durma, pangkur, asmaradana, sinom, dan dandanggula.

Dhandhanggula iku salah sijine tembang macapat kang isine pengarepan utawa pengajap kang becik. Dhandhang iku pengarep-arep. Mula saka kuwi, tembang kang nganggo metrum Dhandhanggula uga duwe isi kang legi kaya dene gula. Akeh pitutur kuna kang nganggo jinis iki.

Tembang Dhandhanggula nduweni watak luwes, ngresepake. Mathuk kanggo bebuka/pambuka medharake piwulang, rasa kasmaran/gandrung. Pralambange tumrap para nom-noman sawise padha kasmaran ngalami kedadeyan kang endah-endah (kenangan manis). Dene, sasmitaning tembang Dhandhanggula: manis, sardula, madu, drawa, gendhis. (https://jv.wikipedia.org/wiki/Dhandhanggula)

Paugerane tembang dhandhanggula yaiku duweni 10 gatra utawa larik, guru wilangan lan guru lagu saben gatra

10 i
10 a
8 e
7 u
9 i
7 a
6 u
9 a
12 i
7 a

Ing ngisor iki tuladha tembang macapat dhandhanggula kang kajupuk saka serat wulangreh anggitanipun Sri Pakubuwana IV

Pada 1

Pamedhare wasitaning ati, cumanthaka aniru pujangga,

dhahat mudha ing batine, nanging kedah ginunggung,

datan wruh yen akeh ngesemi, ameksa angrumpaka,

basa kang kalantur,

tutur kang katula-tula,

tinalaten rinuruh kalawan ririh, mrih padhanging sasmita.

Tegese tembung :

pamedhare = pamulange, ngandhakake, membicarakan.

medhar sabda = sesorah, pidato.

wasita = warsita, wursita, wewarah, piwulang, nasehat.

cumanthaka = kumawani, kumendel, memberanikan diri.

dhahat = banget, sangat.

mudha = bodho, balilu, punggung, bodoh.

ginunggung = gunggung + in = dibombong, dibesarkan hatinya.

angrumpaka = nganggit, ngripta, mengarang.

kalantur = kaladuk, ngayawara, omong kosong.

katula-tula = ngrekasa, asor, ora ana ajine.

 rinuruh = ruruh + in = 1. pasuryan kang semu dhungkluk 

ririh= lirih, alon, pelan.

sasmita = sandi, kode, isyarat.

 Terjemahannya :

Inilah curahan hati Berlagak meniru pujangga Tapi merasa harus disanjung Tak sadar banyak yang mencibir Memaksa diri merangkai kata, bahasa yang (justru) ngelantur Bahasa yang carut marut yang (jika) dicermati (hanyalah) untuk terangnya isyarat (kata hati) semata.

Pada 2

Sasmitaning ngaurip puniki,

mapan ewuh yen ora weruha,

tan jumeneng ing uripe,

akeh kang ngaku-aku,

pangrasane sampun udani,

tur durung wruhing rasa,

rasa kang satuhu,

 rasaning rasa punika,

upayanen darapon sampurna ugi,

 ing kauripanira.

Tegese tembung:

ewuh = ribet, ora kepenak, repot.

tan jumeneng = ora ngenggoni,

 ora mangerteni, tidak mengetahui.

udani = weruh, tahu, faham.

darapon = supaya, supadi,

 supadya, supaya.

Terjemahannya :

Makna kehidupan itu sungguh sayang bila tak tahu tidak kokoh hidupnya, banyak orang mengaku, perasaannya sudah utama, padahal belum tahu rasa, rasa yang sesungguhnya, hakikat rasa itu adalah, usahakan supaya diri sempurna, dalam kehidupan.

Pada 3

Jroning Qur'an nggoning rasa yekti,

nanging ta pilih ingkang uninga,

kajaba lawan tuduhe,

nora kena den awur,

 ing satemah nora pinanggih,

mundhak katalanjukan,

temah sasar susur,

yen sira ayun waskitha,

sampurnane ing badanira puniki,

sira anggegurua.

Tegese tembung :

yekti = temen, sesungguhnya, sebenarnya. 

uninga = weruh, tahu. 

satemah = wusanane, akhirnya. 

katalanjukan = ora bener, ora pas, tidak benar

Terjemahannya :

Dalam Qur’an tempat rasa jati, tapi jarang orang tahu, keluar dari petunjuk, tak dapat asal-asalan, akhirnya tidak ketemu, malahan terjerumus, akhirnya kesasar, kalau kamu ingin peka, agar hidupmu sempurna, maka bergurulah.

Pada 4

amiliha manungsa kang nyata,

ingkang becik martabate,

sarta kang wruh ing kukum,

kang ngibadah lan kang wirangi,

sokur oleh wong tapa,

ingkang wus amungkul,

tan mikir pawewehing lyan,

iku pantes sira guronana kaki,

sartane kawruhana.

Tegese tembung:

 wirangi = wara' ,

wong kang ngedohi larang (maksiat), 

jauh dari perbuatan dosa.

amungkul = temen, putus, nora mangro tingal, istiqomah

Terjemahannya :

Namun apabila kamu berguru pilihlah manusia nyata yang baik martabatnya serta tahu hukum yang beribadah dan sederhana syukur dapat pertapa yang sudah menanggalkan pamrih pemberian orang itu pantas kamu berguru serta ketahuilah

Pada 5

Lamun ana wong micareng ngelmi,

tan mupakat ing patang prakara,

aja sira age-age,

anganggep nyatanipun,

saringana dipun baresih,

limbangen lan kang patang,

 prakara rumuhun,

dalil kadis lan ijemak,

lan kiyase papat iku salah siji,

anaa kang mupakat.

Tegese tembung:

micareng = micara + ing , mulang, ngandhakake, berbicara tentang.

mupakat = cocok, setuju, cocok.

nyatanipun = benere, benar.

baresih = resik, tliti, teliti.

limbangen = dipikir, ditandhingake, ditimbang.

rumuhun = dhisik, terdahulu.

dalil = hukum adhedhasar Al Qur'an

kadis = hukum adhedhasar pangandikane,

tindake Kanjeng Nabi ijemak = hukum adhedhasar pamanggihe para ulama.

kiyas = hukum adhedhasar lelakon kang nate kedadean.

Terjemahannya :

Kalau ada orang bicara ilmu tak setuju empat perkara jangan cepat-cepat percaya padanya saringlah yang teliti pertimbangkan empat hal perkara terdahulu dalil hadis dan ijma’ dan keempat qiyas semua telah disepakati

Pada 6

Ana uga kena denantepi,

yen ucul saka patang prakara,

nora enak legetane,

tan wurung tinggal wektu,

panganggepe wus angengkoki,

aja kudu sembahyang,

wus salat katengsun,

banjure mbuwang sarengat,

batal karam nora nganggo den rawati,

bubrah sakehing tata.

Tegese tembung:

legetane = dadine, wusanane, isine perkara(?)

angengkoki = bener, jumeneng, pada tempatnya.

katengsun = garisku kat = khat = garis.

sarengat = syari'at, aturan agama kang kudu dilakoni.

den rawati = diopeni, dipelihara.

Terjemahannya :

Ada juga yang mantab kalau tepat empat perkara sungguh tidak tepat hanya meninggalkan waktu menganggap sudah tepat hendak tidak shalat hanya bikin tanggung lalu membuang syariat batal haram tak peduli lalu bikin kacau

Pada 7.

Angel temen ing jaman samangkin,

ingkang pantes kena ginuronan,

akeh wong jaja ngelmune,

 lan arang ingkang manut,

yen wong ngelmu ingkang netepi,

ing panggawening sarak,

den arani luput,

nanging ta asesenengan, nora kena den wor kakarepaneki,

 papancene priyangga.

Tegese tembung: 

samangkin = saiki, sekarang.

ginuronan = diguroni, digurui.

 jaja = adol, menjajakan.

asesenengan = manut karepe dhewe-dhewe, menurut kehendaknya pribadi.

kakarepaneki = kakarepan + iki = karepe iki, 

kehendaknya papancene = jatah, takdir.

priyangga = dhewe, sendiri.

Terjemahannya :

Sungguh sulit jaman sekarang Mana yang pantas diteladani (Meski) banyak yang hebat ilmunya Tetapi jarang yang taat Jikalau orang berilmu yang menjelaskan. Jika orang berbuat baik Dikatakan salah Tetapi jika hanya bersenang-senang Tak bisa dimengerti apa maksudnya Betul-betul orang hebat

Pada 8.

Ingkang lumrah ing mangsa puniki,

 mapan guru ingkang golek sabat,

tuhu kuwalik karepe,

kang wus lumrah karuhun,

jaman kuna mapan si murid,

ingkang padha ngupaya,

kudu anggeguru,

ing mengko iki tan ora,

kyai guru naruthuk ngupaya murid,

dadia kanthinira.

Tegese tembung :

mangsa = waktu, jaman, waktu. 

sabat = sahabat, murid. 

naruthuk = thruthukan, pergi kesana ke mari. 

ngupaya = golek, mencari. 

kanthinira = bature, rewange, muride, muridnya.

Terjemahannya :

Umumnya dijaman sekarang Justru guru yang mencari teman Benar-benar terbalik keadaanya Jamaknya (begitulah) yang biasa terjadi Kalau jaman dulu, muridlah Yang mencari guru Tapi sekarang tidak Kyai Guru berkeliaran mencari murid Agar ikut dengannya

TUGAS DINA KEMIS, 05-08-2021

KANGGO SISWA LAN SISWI KELAS IX A LAN IX B

1. Waca lan Pahami materi ing dhuwur!

2. Tulisen bab-bab kang wigati saka materi Bab Tembang Dhandhanggula ing buku cathethetan Basa Jawa! Materi cukup digawe ringkesan aja ditulis kabeh.

3. Foto cathetan materi dina iki lan kirim email rindaagus01@gmail.com

MATERI KELAS VII SEMESTER GASAL PIWULANG 1 NARASI

MATERI KELAS VII SEMESTER GASAL PIWULANG 1 NARASI

Tugas Daring Kanggo Kelas VIIA-VIIE

Pepanggihan 2 dinten Selasa, 03-08-2021

1. Wacanen lan gaweya cathethan saka materi ing ngisor iki ing buku cathethan Basa Jawa!

2. Garapa 10 gladhen soal ing ngisor iki ing buku Tugas Basa Jawa!

3. Foto lan kirim Tugas dina iki ing email rindaagus01@gmail.com!

MATERI KELAS VII SEMESTER GASAL

Kompetensi Dasar:

3.1 Memahami isi teks narasi tentang peristiwa atau kejadian

3.2 Menelaah teks Serat Piulang Wulangreh pupuh pangkur

3.3 Memahami isi teks cerita rakyat

3.4 Memahami isi teks cerita pengalaman yang mengesankan                                   

  

PIWULANG 1
TEKS NARASI

KD 3.1 MEMAHAMI ISI TEKS NARASI TENTANG PERISTIWA ATAU KEJADIAN

TULISAN/KARANGAN kaperang dadi lima yaiku:

1. Narasi
Yaiku karangan utawa paragraf utawa pada kang nyritakaké kedadéyan kanthi wektu utawa kedadén kang runtut saka wiwitan ngati pungkasan. Sok sapa sing maca paragraf  iki kaya-kaya nglakoni kaya déné kedadéyan kang ana jroning crita.

2. Argumèntasi

Yaiku karangan utawa paragraf  kang isiné ngenani panemu kanthi linambaran alesan-alesan kang mathuk.

3. Deskripsi

Yaiku paragraf utawa karangan kang isiné nggambaraké sawijining obyèk (bisa panggonan utawa wewujudan liyané) kanthi trewaca. Sok sapa kang maca paragraf iki kaya-kaya ngerti dhéwé obyèk kang digambaraké ana ing jroning paragraf iki.

4. Pèrsuasi

Yaiku paragraf utawa karangan kang isiné ngajak para pamaca supaya nglakoni apa kang dikandhakaké panulis.

5. Eksposisi

Yaiku paragraf utawa karangan kang isiné jlentrehake (memaparkan), biasane ana tabel, gambar utawa grafik, bisa saka hasil penelitian utawa statistik.

Materi pepanggihan ingkang sepisan!

Kirab Pusaka Kyai Slamet

Upacara Kirab Pusaka ing Kraton Surakarta Hadiningrat sampun kalampahan wiwit jaman

kina ingkang dipunwontenaken saben surya kaping 1 Muharram utawi 1 Syura. Adicara

punika nggadhahi ancas tujuan, supados kula tuwin panjenengan tansah pinaringan

kasarasan, kaslametan, dipuntebihaken saking alangan tuwin godha rencana.

Upacara punika samangke kawiwitan saking makempaling para nayaka praja, sentana dalem, abdi dalem ing papan ingkang sampan sumadya, inggih salebeting Kraton peneripun

ing kanan keringing sitinggil punika. Sadaya ingkang badhe ngayahi jejibahan punapa dene

ingkang badhee hangombyongi sampan siyaga salebeting Kraton wiwit pukul 8 dalu utawi

tabuh 20.00 WIK kala wau. Sadaya ubarampe kangge kirab sampan sumadya. Wondene

para-para ingkang tinanggenah ngayati jejibahan inggih sampun baris tharik-tharik.

Kinten-kinten tabuh setengah sewelas, para piyantun ingkang badhe ngayahi jejibahan

sampun sami baris. Kaleres tabuh 12 dalu, wonten tengara, bilih upacara Kirab Pusaka

badhe kawiwitan. Anggenipun ngasta pusaka ingkang badhe kakirab kedah ngatos-ngatos.

Sasampunipun wonten pratandha mlampah, para abdi, nayaka ingkang kajibah ngasta

pusaka sami mlampah medal Baluwarti Karaton.

Medalipun pusaka ingkang dipunkirab nut lampahing Kyai Slamet ingkang tansah paring

panuntun, margi pundi kemawon ingkang dipunlangkungi. Kyai Slamet ingkang awujud

maesa bule, kapitados sekti mandraguna dening bebrayan agung, mliginipun masyarakat

Surakarta. Kirabipun ngubengi kitha Solo tuwin wangsul malih dhateng lebet Karaton.

Sadaya kalau inggih dipuntuntun dening Kyai Slamet.

Golekana tegese tembung-tembung ing ngisor iki !

Tuladha

1. kirab  tegese Arak-arakan/ karnaval

2. kalampahan : ....

3. adicara : ....

4. ngasta : ....

5. kina : ....

6. surya : ....

7. ancas : ....

8. jejibahan  : ....

9. pukul/tabuh : ....

10. ubarampe : ....

11. sakti mandraguna : ...

      

MATERI KELAS VIII SEMESTER GASAL GANCARAN

Pertemuan Kaping Tiga (Senin, 26-07-2021)
Sinaua Materi Ing Ngisor Iki!

Legendha iku kalebu sastra Gancaran. Gancaran iku karangan sing ora kaiket gatra, wilangan, lan guru lagu. Sastra gancaran iku dumadi saka perangan sing ndhapuk crita/ unsur intrinsik.
sing kalebu unsur intrinsik gancaran yaiku :
1. Paraga (Tokoh)
    a. Paraga Utama yaiku Paraga sing nduweni sesambungan karo kedadean crita sing paling akeh.
       Paraga bisa arupa manungsa, kewan, utawa tetuwuhan.
   b. Paraga Tambahan yaiku Paraga sing kanggo gegenep crita utawa paraga sing amung arang-arang         sesambungan karo kedadean crita utawa paraga liya.
   c. Paraga Protagonis yaiku Paraga sing pakartine utama, manut aten-atene sing maca (lumrahe apik)
   d. Paraga Antagonis yaiku Paraga sing pakartine ala, tansah cengkah karo aten-atene sing maca,              kosok bali karo tumindak ala.
2. Alur/ Plot yaiku dalane crita mulai wiwit nganti pungkasan. Alur crita dibedakne kanti 2                      yaiku, alur maju lan alur mundur.

3. Gaya crita, yaiku kaitanne karo pemilihan ukara utawa disebut majas.

    yaikupanggonan sing ana ing crita, latar bisa nerangake latar panggonan (ing ngendi                            crita iku ana) lan latar wektu (kapan kedadeyane crita)

4. Tema yaiku ugere crita, kang nyebutne pokok masalah sing dadi dasar kanggo suatu crita                    (gagasaning crita)
5. Sudut pandang
6. Amanat yaiku pesan pesan kang disampekne pengarang kanggo wong kang maca sing       dilewatake   crita cekak. Biasane pengarang pengen supaya wong kang maca bisa tindak kaya sing     katulis ing cerkak mau.
7. Gaya crita, yaiku kaitanne karo pemilihan ukara utawa disebut majas.

Rungokna Crita Legendha Ing Ngisor Iki

Tugas Individu!

Saka Crita Legendha ing Video kasebut, coba gaweya pitakonan-pitakonan kang ngemot unsur-unsur intrinsik ing ngisor iki ing Buku Tugas Basa Jawa!

a. Irah-irahan (judhul) : ............................................................................................................................

    tuladha: Apa irah-irahan legendha ing video kasebut?

b. Paraga Utama : .....................................................................................................................................

c. Paraga Tambahan : ...............................................................................................................................

d. Antagonis : ...........................................................................................................................................

e. Paraga Protagonis : ...............................................................................................................................

f. Papan Kedadeyan : ...............................................................................................................................

g. Wektu kedadeyan : ...............................................................................................................................

h. Alur : ....................................................................................................................................................

i. Tema : ...................................................................................................................................................

j. Amanat : ...............................................................................................................................................

TUGAS KELAS 8A-8E DINA SENIN, 26-07-2021

1. Sinaua materi ing dhuwur bab Gancaran.

2. Rungokna video pembelajaran kasebut.

3. Gaweya pitakonan-pitakonan kang ngemot unsur-unsur intrinsik ing ngisor iki ing Buku Tugas Basa Jawa.

4. Foto garapan tugas mau lan kirim email rindaagus01@gmail.com