MATERI BAB 3 KELAS IX SEM 2 SESORAH (PIDHATO)

 MATERI BAB 3 KELAS IX SEMESTER 2

SESORAH (PIDHATO)

Pangertene sesorah

Sesorah(pidato) yaiku micara/matur/nglairake gagasan sarana lisan ing sangarepe wong akeh kanthi ancas tinamtu.

a.     Ancasing sesorah/tujuan sesorah

1. Atur Pambagyo = yaiku sesorah kanggo nampa rawuhe tamu kang ana ing              acara apa wae kayata acara syukuran,supitan,tanggap warsa(ulang tahun),pengantenan.

2. Atur kabar/paring informasi = yaiku sesorah kang aweh kabar/informasi,umpamane acara rapat organisasi,promosi barang.

3. Atur pangajak =yaiku sesorah kang ancase supaya sing mirengaken                            percaya banjur ketarik atine lan gelem nindakake apa kang  diwedharake dening sing sesorah,umpamane sesorah ing papan ibadah

4. Atur panglipur = yaiku sesorah kang aweh panglipur utawa nggedhekake                    atine marang para sutresna sing lagi nandhang susah,umpamane sesorah ing sangarepe para kadang kang lagi nandhang pancobaning urip arupa musibah bencana alam,kepaten lan liya liyane.

5. Atur panyarue/ngemutake= nelakake panemu kanthi dhasar-dhasar kang                    ganep tumrap sawenehing ada ada,contone tontonan lumatar tv,panggoning hp lah internet kang kurang becik tumraping bocah sekolah.

 

b. Bab wigati nalika lagi sesorah(bab yang perlu diperhaikan saat pidato)

1. Basa

Basa kang digunakake kudu cocog karo sing diadhepi. Basa ngoko digunakake menawa sing diadhepi iku bocah/luwih enom tinimbang sing sesorah. Basa krama digunakake menawa ngadhepi wong sing luwih tuwa/wong sing kudu diurmati.

2. Busana

Menawa sesorah becike nggunakake busana kang becik lan sopan. Ana tetembungan “ajining raga saka busana” kejaba kanggo ngormati sing padha mirengake uga bisa kanggo njagani lan ngajeni awake dhewek. Busana uga kudu kaleresan karo kahanan lan tujuan.

3. Swara

Swara kang kepenak dirungokake iku aja keseron utawa aja lirih banget. Anggone ngucapake kudu jelas,ora kecepeten saengga apa kang diwedharake gampang dingerteni karep,irama ora lugu kaya wong maca buku.

4. Solah bawa(sikap)

Wong sesorah iku kudu mantep lan tatag,madhep marang pamriksa,aja tumungkul,ndhingkluk lan aja ndangak.

c. Bab kang kudu disingkiri nalika sesorah

1. Polatan mbesengut(terlihat marah)

2. Gugup(nerveous)

3. Ngguyu sing digawe gawe(tertawa dibuat buat)

4. Sering ndeleng cathetan(sering melihat catatan)

5. Bola bali ngobahake tangan/sikil(terlalu sering menggerakan tangan/kaki)

6. Ngadeg kaku kaya wong baris(berdiri terlalu kaku seperti orang baris)

7. Karo mloka mlaku(sambil jalan jalan)

8. Tangan methentheng

9. Tangan mlebu sak klambi/kathok(tangan masuk ke saku baju/celana)

10. Ngupil

 

d. Urutane sesorah

1. Salam pambuka

Isine ngucapake salam marang tamu kang rawuh kayata nuwun,kula nuwun,sugeng siyang,sugeng sonten,sugeng ndalu utawa salam liyane 

2. Purwaka

Atur pakurmatan marang para tamu lan atur syukur marang Gusti dene isih bisa ketemu kanggo nindhakake acara iku. Uga atur panuwun marang para tamu sing wis kersa nglonggarake wektu rawuh ing acara iku

3. Isi/wignatining atur

Isine bab apa sing bakal diaturake manut marang acarane

 

4. Pangarep-arep

Isine bab sing disuwunake(diarep arep) saka sing kagungan kersa marang  tamune umpamane donga, pitutur lan sapiturute.

 

5. Panutup

Isine nyuwun pangapura menawa anggone nampa tamu utawa matur ana tetembungan sing kurang becik lan solah bawa utawa tindak tanduk sing ora mranani penggalih.

Contoh sesorah:

Assalamualaikum Wr.Wb

Nuwun,para pinesepuh ingkang satuhu luhuring kawruh,Bapak Kepala Desa sapamongipun ingkang satuhu kinurmatan, Para Ketua RW saha Ketua RT ing wewengkon desa Sukamulyamriki ingkang satuhu luhuring budi,Ketua BPD saha para anggotanipun ingkang winantu ing bagya mulya. Mboten supe para kadang pengurus saha anggota karang taruna ingkang kula tresnani.

Langkung rumiyin sumangga kita sesarengan ngonjukaken puji syukur dhumateng Gusti ingkang Maha Agung nun inggih Allah SWT ingkang sampun paring pinten pinten kanikmatan,karohmatan,kaberkahan,saha kasarasan dhumateng kita,saengga ing wekdal menika kita saged makempal ing mriki kanthi boten wonten pambengan satunggal menapa

Sagung para rawuh ingkang satuhu kinurmatan

Kula ingkang pitados dados sesepuhing para kadang pengurus karang taruna”Mugi Rahayu” ing Desa Sukamulya,ngaturaken agunging panwun dumatheng sagung para rawuh sedaya ingkang sampun kersa nglonggaraken wekdal netepi uleman kula kangge ngrawuhi adicara menika.

Salajengipun kula ugi ngaturaken gungig panuwun dhumateng Bapak Kades ingkang sampun paring idin kangge ngawontenaken adicara dinten menika.

Mboten supe kula ugi ngaturaken agunging panuwun ingkang tanpa pepidhan dhumateng sagung para rawuh ingakng sampun kepareng paring pambiyantu awujud menapa kemawon,ingkang sedaya kala wau andadosaken gancaring adicara dinten menika.

Bapak-bapak,Ibu-ibu,para rawuh sedaya kakung miwah putri ingkang satuhu luhuring budi.

Minangka sesulihipun para kadang pengurus kula nyuwun gunging samodra pangeksami mbok bilih anggenipun ngawontenakan adicara menika kathah kekiranganipun,kiranging suba sita ,kirang papan palenggahan saha ubarampe sanesipun,sepisan malih kula nyuwun gunging samodra pangaksami.

Para pilenggah ingkang kinurmatan.

Panjenengan sedaya kula aturi rawuh ing ngriki amargi kula sekanca saking paguyuban karang taruna badhe ngaturi priksa babagan program-program ingkang sampun karancang ing taun menika. Salah satunggaling inggih menika ngugemi panywunipun para mudha ing Desa Sukamulya ingkang kepengin nggadhahi lapangan olahraga bal-balan ingkang sae supados saged kangge gladhen utawi latihan olahraga kanthi sekeca,sak saged-saged nggadhahi lapangan ingkang selaraskalian standar nasional.

Pramila ing kalodhangan menika kula nggadhahi pangajeng-ajeng mugia pepanggihan ing dalu menika saged kangge ajang pirembagan saha penggalihan kados pundi saenipun supados pepenginanipun para mudha menika saged kasebadan. Utaminipun dhumateng Bapak Kades saha ketua BPD ingkang kagungan wenang,kula nyuwun pamrayogi,kawicaksanaan saha panyengkuyungipun. Wonten unen-unen”Anak polah Bapa kepradhah” tegesipun menawilare nggadhahi pepenginan,tiyang sepuhipun kedah tumut menggalihaken.

Kados namung semanten ingkang saged kula aturaken wonten ing ngarsa  panjenengan sedaya,bilih kathah atur kula ingkang mboten mranani penggalih,kula nyuwun agunging samodra pangaksami.

Nuwun..... Wasalamualaikum Wr.Wb

TUGAS DARING KELAS IX B

DINA SELASA, 15-02-2022

1. Wacanen materi bab sesorah ing dhuwur!

2. Cathet materi kasebut ing buku cathethan B. jawa!

3. Upload foto cathethan basa jawa ing email rindaagus01@gmail.com

MATERI BAB 3 KELAS VIII SEMESTER 2 CRITA LEGENDHA

 MATERI BAB 3 KELAS VIII SEMESTER 2 CRITA LEGENDHA

Assalamu'alaikum Wr Wb

Sugeng enjang lare-lare, mugi tansah kaparingan kasarasan lan karaharjan.

Pepanggihan dina iki Bocah-bocah wiwit sinau bab Cerita Legendha. Ing ngisor iki ana

 ringkesan lan materi Bab Legendha. Coba dipahami lan disinauni kanthi tumemen!

A. Tegese Legendha 

Legendha yaiku crita dumadine papan panggonan. Legendha iku kalebu sastra gancaran.

Gancaran iku karangan sing ora kaiket gatra, wilangan, lan guru lagu.

Sastra gancaran iku dumadi saka perangan sing ndhapuk crita/ unsur intrisnik.

B. Unsur-unsur Intrinsik

1.Tema,inggih menika gagasan baken ingkang dados dhasaring cariyos.

2.Paraga,inggih menika purusa ingkang nglakokake cariyos.

3.Penokohan,inggih menika gambaran watak paraga.

4.Alur/plot,inggih menika rerangkening cariyos ingkang kadhapuk kanthi logis.

5.Latar/setting,inggih menika panggenan,wekdal,utawi swasana kadadosanipun prastawa   ing salebeting         cariyos.

6.Amanat/pesan,inggih menika pitutur utawi pesen pangripta ingkang badhe dipunaturaken dhumateng     pamaos.

7.Sudut pandang,inggih menika posisi pangripta wonten ing cariyos.

   Pangripta saged dados:

   -Purusa kapisan paraga utama (orang pertama pelaku utama )

   -Purusa katiga (orang ketiga )

   -Sarta mangertos (serba ngerti)

Rungokna video legendha ing ngisor iki!

https://www.youtube.com/watch?v=JIjefzRuXK4

TUGAS DARING KANGGO KELAS VIIIA, B,C,D, LAN 8E

DINA JUM'AT, 11-02-2022

1. Waca lan pahami materi Bab 3 Crita Legendha ing dhuwur.

2. Salin ing buku cathethan basa Jawa materi ing dhuwur.

3. Tugas dikirim ing email rindaagus01@gmail.com

MATERI BAB 2 KELAS VII VIDEO TEMBANG SINOM SEMESTER 2

 MATERI BAB 2 KELAS VII 

VIDEO PEMBELAJARAN TEMBANG SINOM SEMESTER 2

MATERI DARING DINA SELASA, 23-02-2021 KANGGO KELAS 7A-7E

1. Sinaua video pembelajaran ing link youtube ngisor iki!

https://www.youtube.com/watch?v=Ls7N5XwBfRI 

2. Catet materi kang wigati saka video pembelajaran ing buku cathethan Basa Jawa!

MATERI BAB 2 KELAS VIII VIDEO TEMBANG KINANTHI SEMESTER 2

 MATERI BAB 2 KELAS VIII 

VIDEO PEMBELAJARAN TEMBANG KINANTHI SEMESTER 2

 

 

TUGAS DINA SENIN, 15-02-2021 KANGGO KELAS VIIIA-VIIIE

1. Sinaua  maneh materi bab Tembang Kinanthi ing video pembelajaran ing link youtube ngisor iki!

https://www.youtube.com/watch?v=PZZUDxsKfNQ

2. Catet materi kang wigati (penting) saka video pembelajaran ing dhuwur ing buku cathetan Basa Jawa!