MATERI AKSARA SWARA KELAS VIII SEMESTER GASAL

 MATERI AKSARA SWARA

KELAS VIII SEMESTER GASAL

1. PENGERTEN AKSARA SWARA

Aksara swara yaiku salah sawijining aksara ing aksara jawa, kalng luwih dikenal HaNaCaRaKa utawa Carakan. Aksara swara iku aksara swatantra sing nglambangaké vokal bébas. Ing Hanacaraka aksara iki yaiku: a, i, u, é, lan o. Banjur re (diarani pa cerek) lan le (diarani nga lelet) uga diarani aksara swara. Alesané amarga ing basa Sangskreta “re” lan “le” sing tinulis ṛ lan ḷ, kaanggep aksara swara. Mulané ora ana aksara swara sing nglambangaké pepet amerga ing basa Sanskreta ora ana pepet.

Aksara swara yaiku aksara kang gunane kanggo nulis tembung manca. Yen perlu kacethakake pakecapane. Aksara swara cacahe ana 5, yaiku: 

FUNGSI AKSARA SWARA

Fungsi aksara swara antarane:

1.  Digunakake kanggo nulis vokal kang dadi suku kata ing struktur kalimat, utamané istilah saka basa manca supaya luwih cetha

2. Kanggo nambah utawa nguatake pelafalan

3. Kanggo nulisake pangkat, sesebutan, lan asmane wong sing dikurmati

4. Kanggo nulis jenenge daerah, tuladhane jeneng desa, kutha, utawa negara

 TATA CARA NULIS AKSARA SWARA

1. Aksara swara ora bisa dadi pasangan, dadi yen ana aksara sigeg (mati) ing ngarepe mula kudu dipangkon
2. Aksara swara ora kena diwenehi sandhangan swara (wulu. suku, pepet, taling, taling tarung)
3. Aksara swara uga bisa dianggep aksara gedhe (kapital), dadi bisa digunakake kanggo nulis jenenge kutha, desa, nagara utawa wong.
4. Yen aksara swara ketemu sigegan (konsonan ing pungkasan suku kata sakdurunge), sigegan iku kudu dipateni karo pangkon.

 Tuladha Panulise Nganggo Aksara Swara

TUGAS DARING SENEN, 01-11-2021

KANGGO KELAS VIIIA-VIIIE

1. Waca lan Pahami Materi ing dhuwur!

2. Cathet Bab-bab kang wigati saka materi ing dhuwur ing buku cathethan Basa Jawa!

3. Garap soal-soal ing ngisor iki ing buku Tugas Basa Jawa!

    Owahana nganggo Aksara Swara soal ing ngisor iki!

a. Negara Indhonesia

b. Negara Arab

c. Wulan Oktober

d. Ismail Marzuki

e. Ubet Kurniawan

4. Foto lan kirim Tugas dina iki ing email rindaagus01@gmail.com

Urutan Tata Cara Mantu Adat Jawa

 

Urutan  Tata  Cara  Mantu  

Adat  Jawa

 

Upacara pengantenan adat Jawa iku salah sijining upacara sakral adat Jawa sing duwe rangkeyan-rangkeyan upacara lan tata cara sing wis pakem. Upacara pengantenan iki nglambangake pertemuan antara penganten putri lan penganten kakung ing suasana sing khusus lan dilambangake dadi pasangan raja lan ratu.

Rangkeyan inti upacara umume diselenggaraake neng daleme penganten putri, lan sing dadi penyelenggara utawa tuan umah yaiku wong tua utawa kaluarga penganten putri nanging tetep dibantu kaluarga penganten kakung.

Rangkeyan upacara pengantenan adat Jawa iku beda-beda  miturut dhaerah uga diselenggaraake miturut kemampuan ekonomi sosial kaluargane.

 

1.      Nontoni

 

Menawa nyalari mau ditampa becik ateges calon penganten putri  isih sela lan wong tuwane sarujuk, wong tuwane bocah lanang banjur medhayoh menyang omahe calon penganten putri , saperlu weruh kaya apa bocah kuwi. Yen bocahe lanang bisa diajak bisa uga ora diajak. Nalika sing tuwa padha jagongan,calon  penganten putri didhawuhi ngladekake suguhan, ing kono tamu maspadakake (nontoni) bocah iku kanggo tetimbangan jodho apa ora. Yen perlu diajak omong-omong.

 

2.      Nakokake/Nembung/Nglamar

Upacara lamaran iku upacara kanggo nrima kaluarga calon penganten kakung neng daleme calon penganten putri. Upacara iki dadi tanda yen wong tua utawa kaluarga manten putri setuju yen putrine didadekake pasangan urip calon penganten kakung.Ing  acara lamaran iki biasane sekalian kanggo nentokake dina utawa tanggal penyelenggaraan rangkeyan upacara lanjutane, utamane tanggal pesta penganten.

 

3.      Pasang Tarub

Ing omahe calon penganten putri, kira-kira 3 dina ngarepake tempuking gawe, dipasangi tratag lan tarub. Wujude tarub yen biyen kudu nganggo bleketepe yaiku suwir-suwiran janur kuning, ing kiwa tengening korining tarub dipasangi tundhunan gedhang raja, tebu wulung, gegodhongan manca warna, lan ora lali cengkir gadhing lan godhonng waringin. Kabeh mau bisa diwaca dadi ukara bilih blakane nyuwun sumawuring nur Illahi kanthi pangajab penganten bisa kaya dene raja lan prameswarining nata kang nduweni antebing kalbu lan kencenging piker, anane rubeda manca warna tetep ora kurang sawiji apa, dene sing padha jagong sing keri (durung mantu utawa during dadi manten) padha kepengin.

 

4.      Siraman

Acara siraman iku sejatine upacara perlambang kanggo ngresikake jiwa calon penganten. Upacara iki diselenggaraake sedina sedurung ijab kabul lan dilakokake ing umah masing-masing calon manten, umume ing bagian umah sing radha terbuka kaya ing mburi umah utawa taman ngarepan umah. Sing nyiram pertama biasane wong tua calon manten banjur sedulur liyane uga pemaes.

 

5.      Midodareni

Tembung midodaren iku asale saka basa Jawa yaiku widodari utawa bidadari. Acara iki ngandung makna yen mbengi sakdurunge acara pengantenan iku, kabeh para widadari mudhun saka suwarga kanggo aweh pengestu uga kanggo pralambang yen sesuk ing acara utama, penganten putrine bakal ayu kaya widodari.

     Ing  acara iki penganten putri ora metu saka kamar wiwit jam 6 sore nganti tengah wengi lan dikancani dening sedulur-sedulur putrine sing ngancani sinambi aweh nasihat. Amargi penganten kakung lan kaluargane uga teka ing daleme penganten putri nanging calon penganten kakung urung diijinake ketemu langsung karo calon pasangane merga calon penganten putri urung diijinake metu saka kamar wiwit jam 6 sore. Rangkeyan acara ing wengi midodaren iki beda-beda saben dhaerah, kadhang ana sing barengake karo acara peningsetan lan srah srahan. Acara midodaren iki diselenggarakake mbengi bubar acara siraman. Sing teka ing acara iki seliyane kaluarga penganten putri uga tangga-tangga cedhak lan kanca-kanca penganten putri.

 

6.      Srah-srahan

Srah-srahan iku disebut ugo "asok tukon" yaiku pihak kakung nyerahake uba rampe lan biaya sing bakal kanggo ngleksanakake pesta pengantenan. Contone uba rampe iku beras, sayuran, pitik, jajan pasar lan liyo-liyane. Sakliyane iku sing paling penting ono ing papasrahan yaiku duwit sing tumprape pihak estri bakal dienggo mbiayai pas acara pesta penganten.

 

 

7.        Ijab Kobul

Ijab Kabul yaiku nang ngendi penganten lanang kuwi ngucapke janji ing ngarepe wong akeh kanggo saksi yen wong loro kuwi nikahe sah.

 

8.        Panggih

Sak rampunge acara ijab kabul (akad nikah)dileksanakake acara Panggih, ing acara iki kembang mayang digowo metu seko omah lan di delehake ing prapatan cedhak omah sing tujuanne kanggo ngusir roh jahat. Sakwise iku penganten putri ketemu (panggih) karo penganten kakung sak perlu nerusake upacara: Balang Suruh, Wiji Dadi, Pupuk, Sinduran, Timbang, Kacar-kucur, Dahar Klimah, Mertui lan Sungkeman. 

  

9.        Balangan Suruh

Upacara balangan suruh diselenggaraake dening pengantin putra lan putri kanthi gantian. Gantal kang digawa kanggo uncalan marang pengantin putra saking pengantin putri disebut gondhang kasih, Makna saka balangan suruh yaiku arupa pangarep-arep semoga kabeh alangan bakal ilang lan ngadohi akibat saka gantal kang diuntalna. Gantal digawe saka godhong suruh sing ditekuk mbentuk bunderan kang banjur disambungake karo benang putih utawa tenunab. Godhong suruh iku simbol menawa pengantin putri lan pengantin putra wis samesthine bebarengan.

 

10.  Ngidak Endhog

Upacara ngidak endhog diwiwiti dening juru paes, yaiku wong kang pagaweane kanggo ndandani penganten lan ngagem klambi penganten, karo njupuk endhog saka bokor, banjur diusapanaken marang bathuke penganten putra sing banjur penganten putra njaluk kanggo ngidak ing endhog. Ngidak endhog duweni makna seksual, yaiku penganten putra lan penganten wis pecah pamoripun.

 

11.   Wiji Dadi

Upacara iki dilakoni sawise acara ngidak endhok. Sawise acara ngidak endhog, penganten putri langsung wisuhi sikil penganten putra nggunakake banyu sing wis diwenehi kembang setaman. Ngumbah sikil iki artine pangarep-arep yen "wiji" sing bakal dimudhunaken adoh saka bebaya lan ndadekake turunane sing apik.

 

12.  Timbangan

Upacara timbangan dilakokaken sadurunge penganten putra lan penganten putri njagong ing kursi penganten. Upacara iki dilakokake kanthi dalan minangka: ramane penganten putri lungguh ing antarane penganten putri lan penganten putra. Penganten putra lungguh ing nduwur sikil tengene rama penganten putri, nalika penganten putri lungguh ing sikil kiwa. Tangan lorone rama dirangkulaken ing pundak penganten putri lan penganten putra. Bapak banjur ngandika yen loro-lorone imbang, lan bobote padha. Makna upacara timbangan yaiku arupa pangarep-arep menawa antarane penganten putri lan penganten putra bisa tansah imbang.

 

13.   Kacar-kucur

Carane penganten putra wutahaken raja sugih saka tas gombal, nalika penganten putrine njupuk kanthi gombal sindur kang diselehake ing pangkuane. Tas dhuwit ngemot recehan, beras kuning, kacang kawak, dhele kawak, kara, lan kembang telon (mawar, melati, kenanga utawa kanthil). Makna saka kacar kucur yaiku menehi tandha menawa penganten putra bakal tanggung jawab nggolet rejeki kanggo kulawargane. Raja sugih sing diwutahake kasebut ora oleh ana sing tibo, maknanipun supaya penganten putri nduweni kelakuan gemi, nastiti, surtini, lan ati-ati saking ngatur rejeki sing wis diwenehi dening bojone.

 

14.   Dulangan

Penganten sak lorone dhahar dulang-dulangan minangka pralambang penganten sak lorone arep urip susah lan seneng kanthi bebarengan.

 

15.   Sungkeman

Sungkeman yaiku upacara sing ditindakake kanthi cara penganten putri lan penganten putra lungguh nyekeli lan ngambung dengkule wong tuwane. Makna upacara sungkeman yaiku simbol saka wujude rasa hormat anak marang wong tuwane.

 

16.   Kirab

Upacara kirab arupa arak-arakan kang ana domas, cucuk lampah, lan kaluwarga cedhak untu njemput utawa ngiringi penganten kang arep metu saka panggonan panggih utawa arep mlebu panggonan Panggih. Kirab yaiku simbol panurmatan saking penganten putri lan penganten putra sing dianggep raja ing dina kang wis samesthine mengko bisa kanggo mimpin kulawargane kanthi apik.

 

17.  Jenang Sumsuman

Upacara jenang sumsuman dileksanakake sawise kabeh upacarane wis rampung. Ing tembung liyane, jenang sumsuman punika yaiku raos sukur amarga acarane mlaku kanthi aman lan selamet, ora kurang saka siji wae, lan kabeh ingkang sehat walafiat. Biasane jenang sumsuman dianakake ing wayah wengi, yaiku wengi sawise acara penganten.

 

18.  Boyongan/Ngunduh Manten

Disebut boyongan amarga penganten putri lan penganten putra dikawal dening kulawarga putri marang kulawarga putra kanthi bebarengan. Ngunduh manten dianakake ing umahe penganten putra. Biasane acara iki ora lengkap kaya ing acara kang dianakake ing panggonan penganten putri.

TUGAS DARING KANGGO KELAS IXA-IXB

DINA KEMIS, 28-10-2021

1. Wacanen materi Daring bab Urutan Tatacara Adat mantu ing dhuwur!

2. Gaweya ringkesan babagan Urutan Tatacara Adat mantu ing dhuwur!

MATERI KELAS VII SEMESTER GASAL AKSARA JAWA

 MATERI KELAS VII SEMESTER GASAL 

AKSARA JAWA 

Aksara Jawa/ Nglegena kuwi cacahe ana 20. Yaiku:

Menawa Pasanganne uga ana 20 yaiku :

Sandhangane awujud:

ATURAN SRIWEDARI

TUGAS DARING KELAS 7A-7E

SELASA, 19-10-2021

1. Pahami materi bab aksara jawa ing dhuwur!

2. Cathet materi ing dhuwur ing buku cathethan basa Jawa!

3. Foto lan kirim cathethan ing dina iki ing email rindaagus01@gmail.com

MATERI BASA JAWA KELAS VIII SEMESTER GASAL AKSARA JAWA

 MATERI BASA JAWA KELAS VIII SEMESTER GASAL 

AKSARA JAWA

Aksara Jawa utawa Nglegena utawa Dentawyanjana iku cacahe ana 20 yaiku:

Dene Pasangane uga ana 20 yaiku :

Menawa sandhangane yaiku:

Aksara Jawa miturut aturan Sri Wedari

I. Têmbung Lingga

MATERI DARING KELAS IX GASAL TATA CARA ADAT JAWA "MANTEN"

 MATERI DARING KELAS IX GASAL 

TATA CARA ADAT JAWA "MANTEN"

 Upacara penganten adat jawa iku sawijine Upacara sakral adat jawa kang duwe urut-urutaning upacara lan tata cara kang wis pakem. Upacara pengantenan iki nglambangake pertemuan antarane penganten putri lan penganten kakung ing swasana kang mligi lan di lambangake dadi pasangan raja lan ratu.

       Rangkeyan inti upacara umume diselenggarakake ing daleme penganten putri, kang dadi penyelenggaraan utawa tuwan omah yaiku wong tuwa utawa kulawarga penganten putri. Nanging, tetep dibiyantu kulawarga penganten kakung. Rangkeyan upacara pengantenan adat jawa iku seje – seje miturut dhaerah uga diselenggarakake salaras kahanan ekonomi sosial kaluwargane.

Rerangkening upacara pengantenan nglimput 16 Upacara, Yaiku :

1.         LAMARAN

Upacara lamaran yaiku upacara kanggo nrima kulawarga calon penganten kakung ing daleme calon penganten putri. Upacara iki dadi tandha menawa wong tuwa utawa kaluwarga manten putri sarujuk yen putrine di dadekake pasangan kaleh manten kakung. Ing acara lamaran iki biasane sekalian kanggo nentokake dino utawa tanggal penyelenggaraane rerangkeyan upacara liyane.

2.         SIRAMAN

Acara Siraman yaiku upacara kang sejtine dadi pralambang kanggo ngresekake jiwane calon penganten. Upacara iki diselenggarakake sedina sadurunge ijab kabul lan dilakokake ing omah masing – masing calon manten.

3.         MIDODARENI

Tembung Midodareni asale saka basa jawa yaiku Widodara utawa Bidadari ing basa Indonesia. Oleh menika Midodareni yaiku upacara kang ngandhung makna menawa bengi sadurunge acara pengantenan iku, kabeh widodari mudhun saka suwarga aweh pangestu uga penganten putri bakal dadi ayu kaya widodari. Ing acara iki penganten putri ora oleh metu saka kamar wiwit jam 6 sore nganti tengah wengi lan dikancani dening sadulur – sadulure putrine.

4.         SRAH – SRAHAN

Srah-srahan iku diarani  uga “asok tukon” yaiku pehak kakung nyerahkake ubarampe lan beaya kang bakal kanggo ngleksanakake pesta pengantenan.

5.         IJAB KABUL

Ijab Kabul yaiku sawijine rerangkening pengantenan kang nuduhake menawa penganten kakung kuwi ngucapkake janji ing ngendi kuwi didelok karo wong akeh kanggo saksi menawa nikahipun sampun sah.

6.         UPACARA PANGGIH

Ing acara iki kembang mayang digawa metu saka omah lan dilehkake ing prapatan cedhak omah kang tujuwane kanggo gusir roh jahat. Upacara Panggih dhewe yaiku tetemune penganten putri lan penganten kakung saperlu nerusakake upacara balng suruh, wiji dadi, pupuk, sinduran, timbang, kacar kucur, dhahar klimah, mertui, lan sungkeman.

7.         UPACARA BALANG SURUH

Upacara balang suruh yaiuku upacara kang dadi pralambangan sih katresanan lan kasetiaan ing antarane penganten kakung lan putri.

8.         UPACARA WIJI DADI

Upacara Wiji Dadi yaiku uapacara mingangka penganten kakung ngidak endhog pitik nganti pecah, banjur penganten putri ngumbah/ngresiki sikile penganten kakung nganggo banyu kembang. Upacara iki uga dadi pralambang sawijining kepala kulawarga sing tanggung jawab mrig kulawarga.

9.         PUPUK

Upacara Pupuk yaiku upacara dene ibu penganten putri ngusap-usap sirah/mustaka mantu kakung lan menehi ngombe minangka tandha eklas nampa dadi bageane kulawarga.

10.     SINDURAN

Upacara Sinduran yaiku Lumampah alon-alon penganten kakung lan penganten putri kanthi nyampirake kain sindur kang ditarik kalih bapake penganten putri minangka tandha penganten sakloro wis di tinampa dadi kulawarga.

11.     TIMBANG

Upacara Timbang yaiku minangka penganten kakung lan putri lungguh ing pangkone bapake penganten putri kang dadi pralambangan sih katresnane wong tuwa marang anak lan mantune saha besan.

12.     KACAR-KUCUR

Kacar-kucur yaiku Upacara kang migunakake awujud dhuwit receh, beras, lan ubarampe liyane kang dikucurake ana pangkone penganten putri minangka pralambang aweh nafkah.

13.     DHAHAR KLIMAH

Dhahar Klimah yaiku upacara kang dilakoni kanti cara penganten kakung lan penganten putri dhahar dulang dulangan minangka kang dadi pralambang penganten kakung lan putri bisa urip seneng lan susah kanthi bebarengan.

14.     SUNGKEMAN

Sungkeman yaiku Penganten kakung lan penganten putri sungkem nyuwun pangestu marang wong tuwa.

15.     MERTUI

Mertui yaiku upacara kang dilakoni kanthi cara wong tuwane penganten putri methuk wong tuwane penganten kakung ing ngarep omah lan bebarengan tindak ing acara resepsi.

16.     KENDUREN/RESEPSI

Keduren utawa resepsi yaiku puncake acara pengantenan kang duweni makna upacara slametan, slamet amarga acarane inti ijab kabul wis sampun diselenggarakake, lan biyasane ing acara iki pasangan penganten nrima ucapan slamet saka kerabat, kanca, uaga kabeh sing hadir ing acara pengantenan.