MATERI BAB 4 KELAS VIII PARIWARA (IKLAN)

 MATERI BAB 4 KELAS VIII A, B,C,D, LAN 8E 

PARIWARA (IKLAN)

DINA SENIN, 08-11-2021

Pangretosan Pariwara/Iklan

Pariwara utawi iklan inggih menika pakaryan kagem maringi informasi utawi pawarta babagan barang utawa jasa ingkang migunakaken media massa sae menika media cethak utawi media elektronik.

Pariwara utawi Iklan gadhah paugeran-paugeran tertamtu, kadosta :

1)   Iklan migunaake media massa kagem maringaken kabar..

2)   Migunaake sponsor kanggo narik kawigaten.

3)   Nduweni sifat menehi informasi marang khalayak utawa masyarakat.

4)   Nduweni ancas kanggo golek audiens utawa kang ngerteni seakeh-akehe.

Miterat Jinisipun iklan kaperang kados ing nagndhap menika :

A.   Iklan adhedhasar tujuanipun :

1. Iklan Informatif

           Iklan informatif inggih menika iklan ingkang gadhah paugeran :

a) Gadhah ancas mbentuk kesadaran lan pengetahuan bab produk utawa fitur-fitur saka produk kang wis ana.

b) Paring andharan tata caranipun kerja satunggaling produk.

c) Paring infrmasi regi saha wujuding produk

d) Ngoreksi lan nyaring panyaruwe produk

Tuladhane iklan informatif yaiku iklan hp Sony Ericsson Z550i, iklan Dji Sam Soe, iklan Coca Cola.

2. Iklan Persuasif

           Iklan persuasif nduweni paugeran,inggih menika :

a) Nduweni tujuan nyiptakna utawa kesenengan, ngajak, preferensi lan keyakinan, sahinggo konsumen arep tuku lan migunaake barang lan jasa.

b) Nganjurna khalayak milih merk tertentu.

c) Nganjurna kalayak supadosmundhut barang kasebat.

d) Ngubah persepsi konsumen.

e) Mbujuk khalayak tuku saiki.

    Tuladhane iklan persuasif yaiku, iklan Samsung Slim Fit T, iklan Canon Printer PIXMA iP1200.

3.   Iklan reminder

    Iklan reminder gadhah paugeran, inggih menika :

a) Nduweni tujuan utawa ancas ndorong konsumen tuku maneh barang lan jasa.

b) Ngilingno konsumen tuku produk iku.

c) Njaga kesadaran produk.

d) Njalin hubungan apik karo kosumen.
Tuladha : iklan Vita Zone, iklan Hotel Santika Malang, iklan Simpati Jitu.

B. Iklan umum

1.    Iklan Tanggung Jawab Sosial

           Iklan tanggung jawab sosial, inggih menika iklan ingkang gadhah tujuan nyebarno pesan kang nduweni sifat informatif, penerangan, pendidikan supaya mbentuk sikap warga, sahinggo nduweni tanggung jawab marrang masalah sosial. Tuladha : iklan anjuran, lan iklan penggambaran sosial.

2. Iklan Bantahan

      Iklan bantahan yaiku iklan kang digunakake mbantah utawa nglawan isu kang nggawe rugi dan ndandani citrane wong, perusahaan utawa merek kang tercemar amarga informasi kang ora bener. Ciri khas iklan iki yaiku ndheleh komunikator  gawe pihak kang teraniaya utawa digawe rugi pihak liya. Tujuan iklan bantahan yaiku: ngilimisi iklan kang ora bener lan ora nguntungno; nglurusno isu ing porsi kang bener, sesuai karo maksud perusahaan; mbangun simpati khalayak; mbangun opini publik menawa perusahaan ana ing posisi kang bener.

3. Iklan Pembelaan

   Iklan pembelaan yaiku ‘lawan’ saka iklan bantahan. Tujuan saka iklan iki yaiku supaya oleh simpati saka khalayak menawa perusahaan ana ing posisi kang bener. Tuldhane yaiku iklan kang kaiket karo hak paten.

4. Iklan Perbaikan

Iklan perbaikan yaiku iklan kanggo mbenakno layang-layang  bab hal kang wes kahung keliru lan disebarake nganggo media. Istilah lain iklan iki yaiku iklan ralat utawa iklan pembetulan. Iklan iki nduweni tujuan kanggo ngralat informasi sing keliru, sahinggo publik tetep oleh informasi kang bener.

5. Iklan Keluarga

     Iklan keluarga yaiku iklan kang isi layang-layange  pemberitahuan saka pengiklan bab kedadiane peristiwa kekeluargaan marang keluarga/khalayak lainne. Iklan keluarga biasane luwih akeh rupa iklan kolom lan display, ora akeh nduweni isi ilustrasi gambar, lan luwih ngandalno layang tulis. Tuladhane yaiku iklan bab kematian, pernikahan, wisuda, lan liya-liyane.

C. Iklan khusus

1. Iklan kang nganggo dasar media kang digunakake :

a) Iklan Cetak yaiku iklan kang digawe lan dipasang karo migunakake teknik cetak. Tuladhane, yaiku:iklan cetak surat kabar, iklan cetak baliho, iklan cetak poster, iklan spanduk, lan liya-liyane.

b) Iklan Elektronik yaiku iklan kang dipasang ing media kaya radio, lan TV.

2. Iklan kang nganggo dasar tujuan iklan :

a) Iklan Komersial yaiku iklan bisnis kang nduweni tujuan kanggo ngentokno keuntungan ekonomi. Iklan komersial dibagi dadi telung jenis iklan, yaiku iklan kanggo konsumen, kanggo bisnis lan iklan kanggo profesional.

b)  Iklan Non Komersial yaiku iklan kang digunakake kanggo nyampekake informasi, ndidik khalayak.

3. Iklan kang nganggo dasar bidang isi layang :

a) Iklan Politik.

b) Iklan Pendidikan.

c) Iklan Kesehatan.

d) Iklan kecantikan lan perawatan tubuh.

e) Iklan Pariwisata.

f) Iklan hiburan.

g) Iklan Olah Raga.

h) Iklan Hukum.

i) Iklan Lowongan Pekerjaan / Recruitment.

j) Iklan Duka Cita.

k) Iklan Perkawinan.

l) Iklan panganan lan ombean.

m) Iklan Otomotif.

n) Iklan lingkungan Hidup.

o) Iklan Media.

4. Iklan kang nganggo dasar komunikatore

a) Iklan Personal.

b) Iklan Keluarga.

c) Iklan Instusi.

5. Iklan kang nganggo dasar cakupan

a) Iklan Lokal yaiku iklan kang cakupan khalayak sasaran kang dituju ana ing wilayah lokal, kayata pedesaan utawa perkotaan, utawa kabupaten.

b) Iklan Regional yaiku iklan kang cakupan khalayak luwih saka siji wilayah lokal.

c) Iklan Nasional yaiku iklan kang target konsumen ana ing kabeh wilayah negara.

d) Iklan Internasional yaiku iklan kang mbidik khalayak kang njangkau trans nasional utawa luwih saka siji negara.

6. Iklan kang nganggo dasar fungsi

a) Iklan Informasi yaiku iklan kang nitik beratke isi kanggo  informasi kanggo khalayak.

b) Iklan Persuasi yaiku iklan kang nitik beratke ing upaya ngaruhi khalayak kanggo nglakokake penggawean.

c) Iklan mendidik yaiku iklan kang nitik beratke ing tujuan ndidik khalayak, supaya khalayak ngerti lan nduwe pengetahuan.

d) Iklan Parodi/Hiburan yaiku iklan kang digawe kanggo keperluan guyonan.

TUGAS DINA SENIN, 09-11-2021

 KANGGO KELAS 8A,B,C,D,LAN 8E

Wacanen materi Pariwara ing dhuwur banjur gaweya ringkesan ing buku cathethan B.jawa. Foto cathetan lan kirim email rindaagus01@gmail.com

MATERI KANGGO DINA SENIN, 16-11-2021

Ing ngisor iki kalebu tuladha salah sijine pariwara bab kasarasan (kesehatan)

Saka pariwara ing dhuwur bisa dianalisis:

a. Jinis iklan : kasarasan (kesehatan)

b. isine iklan : nyegah sumebare virus corona

c. Ukara sing narik kawigaten:

   1. Wijik

   2. Social Distancing

   3. Jaga jarak

TUGAS 1:

Analisisen Pariwara ing ngisor iki kaya tuladha ing dhuwur!

pariwara/ iklan nomer1.

Tugas 2

Pariwara/ iklan nomer 2

Tugas ditulis ing buku Tugas basa Jawa!

MATERI BAB 4 KABUDAYAN JAWI KELAS IX

MATERI BAB 4 KABUDAYAN JAWI KELAS IX 

Lumakune adat tatacara ing bebrayan siji lan sijine durung mesthi padha, kepara beda. Bab iki ora uwal saka tetembungan desa mawa cara, negara mawa tata. Sanadyan mengkono tetep kaudi amrih antarane tatacara siji lan sijne bisa urip sesandhingan kanthi laras kepenak.

Tatacara adat jawa ana gegayutane karo kaananing manungsa wiwit lair nganti tumekaning pati, dene kanggo mamrih lestarining urip banjur ana urip jejodhohan. Keplase tatacara adat jawa iku ana gegayutane karo metu, manten lan urip. 

Metu tegese nalika manungsa kalairake ing alam donya iki,

Manten nalika jalu wanita dhaup palakrama,

Mati tegese nalika manungsa wus tumekane pesthi pancal donya.

Tatacara kelairan, tuladhane:

1. mitoni

2. bayen

3. sepasaran, lan

4. selapanan bayi

Tatacara manten, tuladhane:

1. madik

2. utusan

3. salaran

4. notoni

5. nglamar

6. singsedan

7. liru kalpika (tukar cincin)

8. panggih

9. ngundhuh mantu

Tatacara Kesripahan, tuladhane:

1. mbudhalake layon

2. nelung dina

3. mitung dina

4. matang puluh dina

5. nyatus

6. taun kepisan

7. taun kapindho

8. nyewu

Ing piwulang iki kang didadekake bebakalaning sinau tatacara adat jawa yaiku manten.

Siraman

Kanggo tulisan luwih gamblang prakawis iki mangga pirsani: Siraman

Acara siraman iku sejatiné upacara perlambang kanggo ngresikake jiwa calon pengantèn. Upacara iki diselenggarakaké sedina sadurungé ijab kabul lan dilakokaké ing omahé calon pengantèn putri lan kakung, padatan ing bageyan omah sing rada amba kaya ing mburi omah utawa ing taman ngarep omah. Sing nyiram sepisan padatan wong tua calon mantèn banjur sedulur liyané uga kalebu pemaes.

Midodaren

Kanggo tulisan luwih gamblang prakawis iki mangga pirsani: Midodaren

Tembung midodaren iku asale saka basa Jawa yaiku widodari utawa bidadari neng basa Indonesia. Acara iki duwe kekarepan yen mbengi sakdurunge acara mantenan iku, kabeh para widadari mudhun saka suwarga kanggo aweh pengestu uga kanggo pralambang yen sesuk neng acara utama, penganten putrine bakal ayu kaya widodari.

Neng acara iki penganten putri ora metu saka kamar wiwit jam 6 sore nganti tengah wengi lan dikancani dening sedulur-sedulur putrine sing ngancani sinambi aweh nasihat.

Rerangken acara neng wengi midodaren iki séjé-séjé ing saben dhaérah, kadhang ana sing dibarengaké karo acara peningsetan lan srah-srahan.

Srah-srahan

Srah-srahan iku uga diwastani "asok tukon" yaiku calon pengantèn kakung mènèhaké uba rampe lan ragat sing bakal kanggo ngleksanakaké pahargyan penganténan. Tuladhané uba rampé, kayata: beras, sayuran, pitik, jajan pasar lan liya-liyane. Saliyané iku sing paling penting ana ing pepasrahan yaiku dhuwit sing tumprapé kanggo ngragati upacara pahargyan ing omahé pengantèn putri.

Ijab kabul

Ijab kabul yaiku acara nalika pengantèn kakung ngucapaké janji bebojoan karo pengantèn putri lan diseksèni wong akèh supaya bisa sah nikahé.

Upacara panggih

Sarampunge acara ijab kabul (akad nikah)dianakake acara Panggih. Ing acara iki kembang mayang digawa metu saka omah lan didelehake neng prapatan cedhak omah. Tujuané yaiku kanggo ngusir roh jahat. Sawise iku pengantèn putri ketemu (panggih) karo pengantèn kakung kanggo nerusaké upacara: balang suruh, Wiji dadi, Pupuk, Sinduran, Timbang, Kacar-kucur, Dhahar klimah, Mertui, lan Sungkeman.

Upacara balangan suruh

Upacara balang suruh minangka pralambang sih katresnan lan kasetyan ing antarané pengantèn kakung lan putri.

Upacara wiji dadi

Penganten kakung ngidak endhog pitik nganti pecah, banjur pengantèn putri misuhi/ngresiki sikil/ampeyané pengantèn kakung nganggo banyu kembang. Upacara iki minangka prelambang sawijining kepala kaluwarga sing tanggung jawab marang kaluwargane.

Pupuk

Ibu pengantèn putri ngusap-usap sirah/mustaka mantu kakung minangka tandha ikhlas nampa manten kakung mau dadi bageyan kulawargane.

Sinduran

Lumampah alon-alon kanthi nyampirake kain sindur, minangka tandha pinangantèn sak kloron wis tinampa dadi kulawarga.

Timbang

Pinangantèn sak kloron lungguh ing pangkonané bapaké pengantèn putri, minangka perlambang katresnané wong tuwa marang anak padha karo mantu.

Dhékorasi

Dhékorasi dipasang wonten ing dhaleme sing duwe gawe, wernané wonten kathah.

Dhahar Klimah

Pengantèn kekalih dhahar dulang-dulangan minangka pralambang pinangantèn kekalih arep urip susah lan seneng kanthi bebarengan.

Mertui

Wong tuwane pengantèn putri methuk wong tuwané pengantèn kakung ing ngarep omah lan bebarengan tindak menyang acara resepsi.

Sungkeman

Pinangantèn sak kloron sungkem nyuwun pangèstu marang wong tuwa kekalih.

Kendurèn / resèpsi

Kendurèn utawa kenduri iku dadi puncak acara pengantènan, uga kadang diarani resèpsi utawa walimahan. Sejatiné kagiyatan iki nduwé makna upacara slametan, slamet merga inti acarane yaiku ijab kabul wis rampung diselenggarakaké. Ing acara iki, pasangan pengantèn nrima mangayubagya saka sedulur, kanca uga kabeh sing teka ing acara iki.

Dhékorasi

Dhékorasi dipasang ing dhalemipun ingkang gadhah dhamel, wernané wonten kathah.

Masang Tarub

Masang tarub gumantung wonten dhalemipun ingkang gadhah dalem punika.

Pemaes

Upacara paesing calon pengantèn putri ing wanci sabibaripun upacara siraman, kajibahan ditindhakke juru paes utawi dhukun pengantèn.

Uga pirsani

Ningali calon pengantèn putri ing griya tiyang sepuhipun.

Tugas Siswa Lan Siswi Kelas IXA lan IXB

Dina Kemis, 30-09-2021

1. Wacanen Materi ing dhuwur!

2. Cathet ing buku cathethan Basa Jawa!

MATERI BAB 4 KELAS 7 PENGALAMAN PRIBADI

MATERI DARING KANGGO DINA SELASA, TANGGAL 09-10-2021 KANGGO KELAS 7A,B,C,D,E

BAB IV KELAS 7A-7E

 PENGALAMAN

A. Tegese Pengalaman Pribadi

Pengalaman pribadi yaiku pengalaman kang dialami utawa dilakoni dhewe. Pengalaman pribadi tansah dieling-eling utawa ora bisa dilalekake.

 

B. Wujude pengalaman pribadi

Miturut swasanane, pengalaman pribadi isine:

a.  Nyusahake/nyedhihake

b.  Njengkelake

c.  Nyenengake

a.    Lucu

b.    Medeni/nggegirisi

 

C. Miturut umure sing crita, ana pengalaman pribadi nalika isih:

a.  cilik

b.  enom

c.  diwasa/tuwa

 

D. Unsur Pengalaman Pribadi

Unsur utawa bagian kang kudu dimangerteni nalika maca crita pengalaman, yaiku:

a.  Tema crita

b.  Paraga crita

c.  Watak paraga

d.  Latar/setting

e.  Alur

f.  Amanat

 

E. Carane Nulis Pengalaman

Carane nulis pengalaman pribadi kanthi urut, yaiku:

a.  Nemtokake topik utawa tema crita

b.  Gawe cengkorongan crita

c.  Njembarake cengkorongan crita dadi crita jangkep

d.  Urutan kedadean alure becik lan bener

e.  Basa, ukara, lan tembung-tembung kang digunakake bener lan trep

 

F. Cengkorongan Pengalaman

Gawe cengkorongan crita/kerangka crita pengalaman:

a.  Irah-irahan/judhul crita

b.  Pembukaning pengalaman

c.  Isine crita pengalaman

d.  Panutuping crita pengalaman

e.  Dudutan utawa amanat crita

f.  Saora-orane ana unsur 5 W+1H

TUGAS :

Tulisen materi bab Pengalaman Pribadi ing buku tugas basa jawa, foto cathetan banjur kirim email rindaagus01@gmail.com

TUGAS DARING KELAS 7A-7E DINA SELASA, 3-11-2020

WACANEN CRITA PENGALAMAN ING NGISOR IKI!

Endhog Sapi

Nuju dina Minggu aku lan adhiku sowan simbah. Omahku karo daleme Simbah ora adoh, udakara mung rong kilo meteran. Aku lan adhiku boncengan numpak sepedha onthel. Wektu iku adhiku lagi kelas 2 SD dene aku kelas 6 SD. Aku sing nggenjot sepedhane. Wah, ya rada abot, sanajan lagi kelas 2 SD nanging adhiku kagolong longgor lan lemu sisan.

Tekan daleme Simbah gemrobyos kringetku. Simbah seneng banget. Adhiku njur dijak mlebu daleme Simbah. Simbah kakung ndangu aku.

“Iki mau diutus bapak ibumu, apa mung dolan karepmu dhewe?”

“Anu Mbah, kajeng kula nggih mung dolan, nanging punika wau lajeng dipuntitipi ibu.” Wande kagem Mbah kakung, nyamping kagem Mbah Putri.”

“Wah ... ya ...ya ...daktampa. wong sing ngaturi dhisik kae rung dakagem kok, iki malah ngirimi maneh.”

Sakwise sholat dhuhur, Simbah ndhawuhi aku lan adhiku madhang.

“Kene gek dha njupuk dhewe-dhewe. Kebeneran Simbah masak gule dading sapi. Ayo ndang!”

Adhiku nyela, ujare emoh daging kebo. Gandheng adhiku ora gelem daging sapi, mula Mbah Putri banjur nawani lawuh liya.

“Ya wis ra papa, yen daginge ora doyan, kuwi endhoge wae!”

“Mbah, dagingipun mawon kula emoh kok, napa malih endhoge sapi!”adhiku matur karo njekutrut praupane.

Bareng krungu kandhane adhiku mau kabeh padha meneng sedhela, ora let suwe simbah kakung putri padha gumujeng, aku dhewe ya kepingkel-pingkel.

“kowe ki salah tampa, Dhik. Kersane Simbah, yen kowe ora gelem daginge ya endhoge wae, kuwi ora kok endhoge sapi nanging iki lho endhog pitik ...! ”

Adhiku mlengeh lega. Apa tumon ana wong ditawani endhog pitik kok dikiria endhog sapi. Pengalaman lucu kuwi ora bisa daklalekake. Terkadhang yen kelingan malah sok kudu ngguyu dhewe.

TUGAS :

Tembung-tembung ing ngisor iki golekana tegese banjur gawenen ukara!

Tuladha:

gumujeng tesese ngguyu --------> ukara: Simbah gumujeng amargi adhi kula lucu.

a. Nuju tegese ....

    ukara : ....

b. udakara tegese ....

    ukara : ....

c. longgor tegese ....

    ukara : ....

d. gembrobyos tegese ....

    ukara : ....

e. wande tegese ....

    ukara : ....

f. nyamping tegese ....

   ukara : ....

g. nyela tegese ....

    ukara : ....

h. ndangu

  ukara : ....

i. njekutrut

  ukara : ....

j. mlengeh tegese ....

  ukara : .......

NB: Tugas ditulis ing buku tugas basa Jawa! kirim emailrindaagus01@gmail.com