MATERI KELAS 8 SEM 2 SANDIWARA SENIN, 19-04-2021

 MATERI KELAS 8 SEM 2 SENIN, 19-04-2021

SANDIWARA 

A. Pangertene Sandiwara

     Sandiwara yaiku salah sijining sastra kang nggambarake                 panguripan kanthi ngatonake konflik lan emosi kang                       diwujudake lumantar lakuning crita lan pacelathon                         antaraning paraga.

Sandiwara miturut wujud dramatise dadi warna loro yaiku 

1. Sandiwara tragedhi

2. komedhi

Menawa didelang saka kuantitas cacahing pacelathon kaperang dadi 1. drama mini, 

2. pantomim

3. drama tembang

Miturut onjoning unsur seni sing kakandhut drama kaperang dadi:

1. drama tablo

2. sendratari

3. opera

Adhedhasar media pementasan drama kaperang dadi:

1. drama Televisi

2. drama rdhiyo

3. drama pentas

4. drama maca

B. Unsur Intrinsik Drama Jawa

Unsur instrinsik drama yaiku unsur sing ana ing njero karya sastra drama lan mbangun utuhe pagelaran drama.

Unsur intrinsik drama Jawa ana pitu yaiku:

1.      alur (plot)

2.      peraga lan wewatake

3.      pirembugan (dialog)

4.      setting utawa latar

5.      tema

6.      pesen moral (amanat)

7.      pituduh teknis (pituduh laku)

Alur (plot)

Alur utawa plot yaiku mujudake rerangkening crita saka wiwitan nganti pungkasan kang uga mujudake rerangkening konflik antarane paraga.

Paraga lan wewatake

Paraga lan wewatake yaiku para paraga sing kedhapuk jroing drama. Saben paraga kudu bisa dhapuk adhedasar watak sing diperagaake.

Pirembugan (dialog)

Pirembugan utawa dhialog yaiku mujudake ciri khase teks drama. Dhialog sajroning teks drama mujudake basa padinan kang komunikatif (dudu basa tulis).

Setting utawa latar

Setting utawa latar yaiku mujudake gegambarane panggonan, wektu, lan swasana dumadine crita ing sajroning pagelaran drama.

Tema

Tema yaiku mujudake bakune gagasan jroning cerita drama sing dikembangake lumantar rerangkening crita (alur), paraga lan wewatake kang bisa njalari dumadine konflik (pasulayan) antarane paraga protagonis karo paraga antagonis.

Pesen moral (amanat)

Pesen moral atau amanat mujudaake piwulang piwulang sing kepingin diandharake dening pengarang lumantar pagelaran drama.

Pituduh teknis (pituduh laku)

Pituduh teknis (pituduh laku) yaiku mujudake pituduh ngenani panggonan, wektu, swasana utawa kahanan kang kepriye tumindak sing kudu ditindaake dening saben saben paraga.

ING NGISOR IKI TETEMBUNGAN KANG ANA ING PEMENTASAN SANDIWARA

1. Babak : saben babak ditandhani dening dhekorasi beda.

2. Adegan : saben babak diperang-perang dadi pirang-pirang adegan, lan saben adegan ora kudu ganti dekorasi.

3. Prolog : Pambuka sing miwiti babak sepisan lan menehi gambaran ngenani paraga drama lan konflik sing bakal kedadeyan.

4. Dhilaog: pacelathon antaraning paraga.

5. Monolog : pacelathon paraga marang awake dhewe utawa marang penonton.

6. Mimik : ekspresi utawa isyarat jumbuh karo peran kang dipentasake.

7. Epilog : Panutup drama kang isi simpulan lan amanat drama.

TUGAS DINA SENIN, 19-04-2021

1. Waca lan pahami materi bab Sandiwara ing dhuwur!

2. Cathet bab-bab kang wigati saka materi ing dhuwur!