MATERI BAB 2 TEMBANG GAMBUH KELAS VIII SEMESTER GASAL

 MATERI  BAB 2 TEMBANG GAMBUH 

KELAS VIII SEMESTER GASAL

Pangerten

 

Serat Wulangreh misuwur wonten bebrayan tiyang Jawi. Serat wulangreh anggitanipun Sri Pakubuwono IV punika nggadhahi basa ingkang gampil dipuntampi. Gampil dipun pundhut piwulangipun. Serat Wulangreh punika nggadhahi 13 pupuh antawisipun dhandanggula, kinanthi, gambuh, pangkur, maskumambang, duduk wuluh, durma, wirongrang, pocung, mijil, asmaradana, sinom, lan girisa.

Ingkang badhe kula rembang inggih punika pupuh gambuh. Pupuh gambuh wonten serat wulangreh kababar dados 17 tembang. Piwulang ingkang saged dipunpundhut babagan tiyang kang kedah nebihi watak adigang adigung adiguna. Adigang ateges ngendelaken kuwasa, adigung ateges ngendelaken kakuwatan, lan adiguna ateges ngendelaken kapinteran. Watak tetiga punika kedah dipuntebihi amarga saged ndamel setunggaling tiyang keblinger. Sapunika isinipun piwulang wonten ing serat wulangreh pupuh gambuh.

 

Gambuh

 

Sekar gambuh ping catur

kang cinatur polah kang kalantur

tanpa tutur katula-tula katali

kadaluwarsa kapatuh

katuruh pan dadi awon

 

Watak Tembang Macapat Gambuh

 

          Tembang Gambuh kui ngggambarake watak pawongan kang sansaya diwasa. Tembang iki menehi pitutur marang anak putu, patrap lan pangucap bisa nyawiji tur urip ayem tenterem.

 

Paugeran

Guru Gatra : 5

Guru Wilangan : 7,10,12,8,8

Guru Lagu : u,u,i,u,o

MATERI DARING KANGGO SISWA LAN SISWI KELAS 8A,B,C,D LAN E 

DINA SENEN, 09-08-2021

1. WACANEN MATERI ING DHUWUR KANTHI TENANAN!

2. SALIN MATERI ING DHUWUR ING BUKU CATHETHAN BASA JAWA!