MATERI GEGURITAN KELAS VIIA,B,C,D LAN VIIE

 MATERI GEGURITAN KELAS VIIA,B,C,D LAN VIIE

DINA SELASA, 31 AGUSTUS 2021

Assalamu'alaikum Wr.Wb,

Sugeng enjang lare-lare, mugi tansah kaparingan kasarasan, karaharjan lan kawilujengan.

Sugeng pitepungan malih kaliyan bu guru wonten ing mata pelajaran Basa Jawi. 

Ing dina iki, Bu guru arep nglanjutke materi Bab Nulis Geguritan.

GEGURITAN (PUISI JAWA)

A. Pengertian Geguritan

Geguritan yaiku salah sijining karya sastra jawa ingkang kawujud saking rasa ing ati kang diungkapaken kaliyan penyair ngagem bahasa ingkang gadah irama , rima , mitra , bait lan penyusan lirik kang gadah arti utawa makna wonten ing lirik geguritan.

 

Geguritan uga kawujud saking ungkapan perasaan lan pikiran penyair . Geguritan ing bahasa Indonesia uga kasebut puisi.

 

B. Ciri - ciri geguritan

Ciri - ciri wonten ing geguritan yaiku :

1. duweni patokan utawa aturan geguritan kayata duweni guru lagu , guru wilangan , lan guru gatra

2. duweni makna utawa arti ana ing lirik lirik e

3. duweni bahasa ingkang endah lan mentes

4. Ing teks geguritan ono jeneng pengarang / pangriptane posisi ne ning ngarep tembang geguritan

 

C. Unsur - unsur intrinsik 

Geguritan uga duweni unsur unsur intrinsik kaya puisi lan karya sastra liyane , unsur unsur intrinsik ana ing geguritan inggih punika :

1. Tema

2. Bahasa kang endah

3. Judul Geguritan

4. Diksi

5. Citra

6. Purwakanthi

7. Amanat kang ono ing jero ne geguritan

 

D. Jenis - jenising Geguritan

Geguritan miturut kegunaane ono 3 macem , jenis jenise inggih punika :

1. Jenis Geguritan Ingkang gambarake kondisi utawa peristiwa (deskriptif)

2. Jenis Geguritan Ingkang nyeritakake kondisi utawa pengalaman (naratif)

3. Jenis Geguritan Ingkang pasemon utawa duweni isi kritikan utawa sindiran

E. Langkah langkah nulis geguritan yaiku

1. Nentukake Tema. Ide bisa teka sawayah-wayah.

2. Ngubah Ide/ Tema dadi Geguritan. Sawise ide ketemu, ide mau kudu diolah lan dihayati.

3. Gaya Basa/ Majas.

4. Bait, Rima, lan IramaAna ing geguritan modern, bait, rima, lan irama ora pati digatekake.

5. Dasanama, purwakanthi, lsp.

F. TULADHA GEGURITAN

1. Pahlawanku
   (R. Tantiningsih)

Pahlawanku
Wutahing ludirmu
Nyiram ibu pertiwi
Nadyan sang ibu
Kudu muwun sedhih
Karajang-rajang manahe
Karujit-rujit rasa pangrasane

Pahlawanku
Mugya Gusti paring nugraha
Semana gedhene bektimu
Jiwa raga, bandha donya
Tanpa sisa
Amung siji pangajabmu
Merdeka

2. Pahlawan
   (Rono)

Pahlawan, sliramu dadi dalan kemerdekaan
Tadah awak ora wedi marang kematian
Nyowomu kanggo pondasine kebebasan
Kanggo rakyat saking cengkramane penindasan

Pahlawan, awan bengi nantang maut
Ngalawan misil misil kang semrawut
Kabeh lawan koe ajak gelut
Ra peduli najan awak podo benjut

Pahlawan, semangatmu koyo geni
Ngobong kabeh pasukane kompeni
Kanggo njaga lemah kang ditresnani
Indonesia merdeka, Indonesia di ormati

Pitulas agustus taun papat lima
Opo sing diimpike dadi nyata
Saiki indonesia wes merdeka
Pahlawan, perjuanganmu ra sia-sia

Indonesia merdeka !!!
Indonesia merdeka !!!
Kabeh mergo perjuanganmu
Pahlawanku

TUGAS DINA SELASA, 31-08-2021

KANGGO BOCAH-BOCAH KELAS VIIIA-VIIIE

1. Gaweya (Tulisen) minimal 2 pada (2 paragraf) geguritan (Puisi Jawa) kanthi tema  Semarak      Kamardikan (Semarak Kemerdekaan)

2. Judhul Geguritan bisa Pahlawan, 17 Agustus, Kamardikan lan sak panunggalane kaya tuladha ing dhuwur!

3. Geguritan di tulis ing Kertas Hvs Folio (F4) diwenehi ornamen/ hiasan gambar sing apik lan identitas kang jelas (Nama, nomer absen lan kelas).

4. Foto lan kirim geguritanmu ing email rindaagus01@gmail.com, maksimal ngirim dina iki tekan jam 00.00

5. Tugas langsung digarap lan aja di tunda-tunda kanggo penilaian ketrampilan.